Námsmannahandbókin Akademían er komin út. Akademían er, eins og ritstjóri orðar það, „handbók fyrir stúdenta, en vonandi ekki svona leiðinleg handbók sem enginn les nema í neyð“.

Í Akademíuna „var reynt að safna saman því sem maður þarf eiginlega að vita strax í byrjun – hvar þjónustan er, hvað Stúdentaráð gerir, hvernig maður tekur þátt, hvert maður getur leitað með spurningar og hvað er í gangi þegar fyrstu vikurnar fara af stað“. Akademían er ætluð til að „milda höggið“ og hefur verið dreift um byggingar háskólans. Einnig geta stúdentar komið á skrifstofu Stúdentaráðs á 3. hæð á Háskólatorgi og nælt sér í eintak.

Við vonum að Akademían nýtist ykkur vel og við minnum á að þið megið alltaf senda okkur línu eða koma í heimsókn ef þið þarfnist einhverrar aðstoðar.