Teymi sem stendur vörð um réttindi stúdenta

Stúdentaráð Háskóla Íslands er hagsmunaafl í þágu stúdenta sem hefur verið starfandi frá árinu 1920.

Stúdentaráð samanstendur af 17 fulltrúum sem eru kjörnir á vormisseri ári hverju í stúdentaráðskosningum meðal allra stúdenta við Háskóla Íslands. Eins og kerfið er í dag eru 3 fullrúar af hverju fræðasviði nema 5 fulltrúar á Félagsvísindasviði vegna þess að það er stærsta sviðið. Fulltrúarnir eru ákvarðaðir í samræmi við fjölda nemenda á fræðasviðunum. Stúdentar kjósa á milli framboðslista á sínu fræðasviði, og fá fulltrúar ráðsins fái sæti í samræmi við hlutfall kosninga. Niðurstöður Stúdentaráðskosninga 2020 má finna hér.

Á tveggja ára fresti fara fram kosningar til Háskólaráðs. Kosið er samhliða stúdentaráðskosningunum rafrænt á Uglunni. Stúdentar hafa tvo kjörna fulltrúa í ráðinu að hverju sinni. Þar bjóða stúdentahreyfingarnar fram tvo aðalfulltrúa og tvo varafulltrúa til ráðsins. Þeir fulltrúar sem eru kjörnir inn sitja í ráðinu í tvö ár.

Verkefni Stúdentaráðs eru mörg og fjölbreytt, allt frá því að berjast fyrir bættum kjörum stúdenta og svo að halda skemmtilega viðburði eins og til dæmis Októberfest. Stúdentaráð starfrækir einnig réttindaskrifstofu á 3. hæð Háskólatorgs sem stúdentar geta leitað til ef þeir telja að brotið hafi verið á rétti þeirra.

Stjórn Stúdentaráðs er eftirfarandi:

• Isabel Alejandra Diaz, forseti Stúdentaráðs
• Guðný Ljósbrá Hreinsdóttir, varaforseti Stúdentaráðs
• Arnaldur Starri Stefánsson, forseti sviðsráðs Félagsvísindasviðs (Röskva)
• Brynhildur Kristín Ásgeirsdóttir, forseti sviðsráðs Heilbrigðisvísindasviðs (Röskva)
• Katla Ársælsdóttir, forseti sviðsráðs Hugvísindasviðs (Röskva)
• Magdalena Katrín Sveinsdóttir, forseti sviðsráðs Menntavísindasviðs (Röskva)
• Herdís Hanna Yngvadóttir, forseti sviðsráðs Verkfræði- og Náttúruvísindasviðs (Röskva)
• Áheyrnarrétt hafa Lenya Rún Taha Karim (Vaka), Vífill Harðarson (Röskva) og Pontus Järvstad (FEDON)