Fyrsta skrefið er að halda stofnfund þar sem stofnendur setja sér lög og kjósa sér embætti.

Næst getur félagið sótt um kennitölu hjá Ríkisskattstjóra sem úthlutar þeim viðeigandi kennitölu. Upplýsingar um þetta ferli má nálgast hér.

Þegar að félagið er komið með kennitölu þarf það að skrá sig hjá Stúdentaráði. Nýja félagið sendir upplýsingar um forseta félagsins og Stúdentaráð skráir viðeigandi upplýsingar hjá sér á student.is. Félagið getur sótt um netfang hjá Háskólanum á help@hi.is frá Upplýsinga- og tæknisviði. Félög geta svo bókað fundaraðstöður á stofur@hi.is

Til þess að félagið geti sótt styrki og rukkað aðildargjöld, þarf það að stofna bankareikning. Frekari upplýsingar um það ferli þarf að nálgast hjá bankanum sem félagið velur sér.

Þegar félagið hefur stofnað bankareikning og er skráð sem starfrækt nemendafélag hjá Stúdentaráði getur félagið sótt um styrk úr Stúdentasjóði tvisvar á ári, einu sinni á hvoru misseri.