Velkomin í Háskóla Íslands.

English version

Það er stórt skref að hefja háskólanám og einhverjir eru ef til vill örlítið smeykir að stíga í fyrsta skipti á háskólalóðina. Að sjálfsögðu er þó engin ástæða til að kvíða neinu. Háskólanám er krefjandi og kallar á sjálfstæð vinnubrögð og aga en háskólaárin eru líka jafnvel þau skemmtilegustu sem fólk fær að upplifa. Í Háskólanum kemur saman fjölbreyttur hópur fólks, nemendur og kennarar, sem í sameiningu leita leiða til að afla sér þekkingar og skapa nýja þekkingu. Nemendur fá í fyrsta sinn tækifæri til þess að helga sig algjörlega því sem þeir hafa áhuga á.

Háskólinn kappkostar að taka vel á móti nýnemum sínum og aðstoða þá við að koma sér inn í háskólasamfélagið. Hér til vinstri má lesa sér til um fyrstu skrefin í Háskólanum og finna upplýsingar sem eru nauðsynlegar öllum nýnemum. Að sjálfsögðu má svo finna mun ítarlegri upplýsingar um allt sem kemur að skólanum á vef hans, hi.is.