Meðlimir BOG, félag enskunemenda, hittast í kvöld kl. 23:00 á Spot í
Kópavoginum til að horfa á það sjónvarpsefni sem mest er horft á í
Bandaríkjunum, Super Bowl úrslitaleik NFL deildarinnar í ameríska
fótboltanum.

Fyrir utan það að læra ensku í náminu, þá koma félagar í BOG saman til að upplifa ameríska og breska menningu.

“Þegar það er eitthvað mikið um að vera í Bandaríkjunum eða Bretlandi, þá erum við líka með eitthvað hér,” segir varaformaður félagsins, Elmar Freyr Kristþórsson.

Í kvöld horfir félagið á tvö bestu amerísku fótboltaliðin, Indianapolis Colts og New Orleans Saints, keppa um titilinn lið ársins í úrslitaleik keppninnar Super Bowl XLVI.

Að horfa á Super Bowl leikinn er orðin árleg hefð hjá félaginu, en í Bandaríkjunum er sú hefð sterk að vinir og vandamenn hittast og horfa á leikinn saman.

Í Bandaríkjunum fylgjast 138 milljón  – eða 60 prósent fullorðinna með amerískum fótbolta, samkvæmt Scarborough Sports Marketing.

Metáhorf var á Super Bowl leikinn í fyrra, en þá fylgdust 98.7 milljónir með sjónvarpsútsendingunni, samkvæmt Nielsen ratings. Þeir benda hins vegar einnig á það að 51 prósent áhorfenda horfi á útsendinguna til þess að fylgjast með auglýsingunum frekar en að fylgjast með leiknum sjálfum.

Elmar, hins vegar, sem er áhugamaður um íþróttir, ætlar að mæta í kvöld og einbeita sér að leiknum fremur en auglysingunum.

“Ég er ekki viss um að það verði sýndar auglýsingar með leiknum sem verður væntalega sýndur í gegnum gervhnött,” segir Elmar.

“Þetta er meira til þess að hittast utan skólans og lífga upp á félagslífið og svo gerir þetta lærdóminn ekki jafn þurran,” bætir hann við.

BOG, er opið fyrir nemendur við Enskudeild Háskóla Íslands. Í nafni félagsins felst smá orðaleikur en “bog” á ensku þýðir “fen” á íslensku og þar sem félag enskunema er skammstafað “fen” var félagið skýrt BOG, útskýrir formaður félagsins, Elvar Örn Svansson.